Wanted na karnaper, arestado

@Balitang Probinsiya | March 4, 2021

AKLAN—Isang wanted na karnaper ang naaresto ng pulisya kamakalawa sa Bgy. Poblacion, Makato.

Ang suspek ay kinilala ng pulisya na si Alvin Piano, nakatira sa nabanggit na barangay.

Nabatid na inaresto ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong carnapping.

Ayon sa ulat, may nagbigay-impormasyon sa pulisya na umuwi sa kanilang bahay si Piano kaya agad rumesponde ang mga operatiba at dinakip ang suspek.

Nakapiit na ang suspek sa detention cell ng himpilan ng pulisya.