Wanted na holdaper, tiklo sa hideout
BULGAR
Jan 14, 2023
1 min read
@Balitang Probinsiya | Enero 14, 2023
SORSOGON—Isang wanted na holdaper ang nadakip ng pulisya kamakalawa sa kanyang hideout sa Bgy. Cumadcad, Castilla.
Kinilala ng pulisya ang suspek na si Jason Camacho, nasa hustong gulang at nakatira sa nasabing barangay.
Napag-alamang dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong robbery.
Nabatid na may nagbigay-impormasyon sa pinagtataguan ni Camacho, kaya agad rumpesponde ang pulisya at dito dinakip ang suspek.
Nakapiit na ang suspek sa detention cell ng himpilan ng pulisya.
Comments