Wanted na holdaper nasakote

@Balitang Probinsiya | Pebrero 6, 2023

LAGUNA – Isang wanted na holdaper ang naaresto ng mga tauhan ng pulisya kamakalawa sa kanyang hideout sa San Pedro City sa lalawigang ito.

Kinilala ng pulisya ang suspek na si Denver Rejada, pansamantalang nakatira sa naturang lungsod.

Nabatid na dinakip ng pulisya ang suspek sa bisa ng warrant of arrest na inisyu ng korte tungkol sa kinasangkutan nitong kasong robbery.

Napag-alaman na may nag-tip sa pinagtataguan ni Rejada kaya agad sinalakay ito ng ng pulisya at dito dinakip ang suspek.

Nakapiit na ngayon ang suspek sa detention cell ng himpilan ng pulisya.