Wanted na holdaper, arestado

@Balitang Probinsiya | Oct 31, 2021

ALBAY--Isang wanted na holdaper ang nadakip ng pulisya kamakalawa sa kanyang hideout sa Bgy. Rawis, Legazpi City.

Kinilala ng pulisya ang suspek na si Michael Avila, 22-anyos, at pansamantalang nakatira sa nasabing barangay.

Nabatid na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong robbery sa lalawigan.

Ayon sa ulat, nakita ng nagpapatruyang pulisya si Avila na nakatayo sa labas ng kanyang hideout kaya agad itong dinakip.

Nakapiit na ang suspek sa detention cell ng himpilan ng pulisya.