Wanted na ex-cop, nasakote

@Balitang Probinsiya | November 13, 2023

ISABELA -- Isang wanted na dating pulis ang dinakip ng pulisya kamakalawa sa bayan ng Quezon sa lalawigang ito.

Ang suspek ay kinilala ng pulisya na si former policeman Jay Pagulayan, nakatira sa naturang bayan.

Nabatid na hinuli ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong estafa sa lalawigan.

Hindi naman nanlaban ang suspek nang dakpin siya ng mga awtoridad.

Nakapiit na ang suspek sa detention cell ng himpilan ng pulisya.