@Balitang Probinsiya | ngayong Marso 22, 2024
NUEVA ECIJA -- Isang wanted na carnapper ang inaresto ng pulisya kamakalawa sa kanyang hideout sa Brgy. San Gregorio, Santa Rosa sa lalawigang ito.
Ang suspek ay kinilala ng pulisya na si Jennier Ebuna, nasa hustong gulang at pansamantalang nakatira sa nasabing barangay.
Ayon sa ulat, inaresto ang suspek sa bisa ng warrant of arrest na inisyu ng korte kaugnay sa kinasasangkutan nitong kasong carnapping.
Nabatid na matagal nang pinaghananap ng pulisya ang suspek at kamakalawa lang itong natiyempuhan at nadakip.
Hindi naman nanlaban ang suspek sa mga otoridad at sa ngayon ay nakapiit sa detention cell ng himpilan ng pulisya.
Comments