Vendor at ginang, tiklo sa drug-bust
- BULGAR
- Mar 13, 2021
- 1 min read
@Balitang Probinsiya | March 13, 2021
NUEVA ECIJA—Arestado ang isang vendor at isang ginang sa isinagawang drug-bust operation kamakalawa sa Bgy. Mabini, Cabanatuan City.
Kinilala ng pulisya ang mga suspek na sina Bansan Ampuan, 30-anyos, residente ng Balagtas, Bulacan at Nenita Taeza, 47-anyos, tubong Nueva Ecija.
Ayon sa ulat, naaresto ang dalawang suspek nang maglunsad ng drug-bust operation sa nasabing lugar.
Napag-alamang nakakumpiska ang mga operatiba ng mahigit 100 gramo ng shabu at markadong pera sa pag-iingat ng dalawang suspek.
Nakapiit na ang mga suspek na kapwa nahaharap sa kasong paglabag sa Comprehensive Dangerous Drugs Act of 2002.
Comments