Vendor arestado sa shabu

@Balitang Probinsiya | July 24, 2023

SORSOGON — Isang vendor na drug pusher ang dinakip ng mga tauhan ng pulisya nang makumpiskahan ng shabu kamakalawa sa loob ng kanyang bahay sa Bgy. Armenia, Uson sa lalawigang ito.

Kinilala ang suspek na si Chandie Trangi, nasa hustong gulang at residente ng nabanggit na bayan.

Ayon sa ulat, nadakip si Trangi sa isinagawang drug-bust operation ng mga operatiba sa loob ng bahay ng suspek.

Nabatid na nakakumpiska ang mga awtoridad ng 20 gramo ng shabu at markadong pera sa pag-iingat ng suspek.

Nakapiit na ang suspek na nahaharap ngayon sa kasong paglabag sa Comprehensive Dangerous Drug Act of 2002.