Utol, tinodas ng kuya

@Balitang Probinsiya | Oct 23, 2021

CAPIZ—Isang 33-anyos na lalaki ang namatay nang tagain ng kanyang nakakatandang kapatid kamakalawa sa Bgy. Manoling, President Roxas.

Kinilala ng pulisya ang biktimang nagtamo ng mga taga sa katawan na si Arden Placer, samantalang ang suspek ay ang kuya nitong si Hardy, 41-anyos, kapwa residente sa nasabing barangay.

Ayon sa ulat, habang nag-uusap ay nagkaroon ng pagtatalo ang magkapatid na humantong sa suntukan hanggang sa pagtatagain ng suspek ang biktima.

Matapos ang pananaga ay nagtangka pang tumakas ang suspek, pero nadakip siya ng mga nagrespondeng tauhan ng pulisya.

Nakapiit na ang suspek na nahaharap sa kasong parricide.