Tulak, todas sa pulis

@Balitang Probinsiya | Pebrero 3, 2023

CAMARINES SUR – Isang notoryus na drug pusher ang napatay nang manlaban at makipagbarilan sa mga tauhan ng pulisya kamakalawa sa Bgy. Concepcion Pequena, Naga City sa lalawigang ito.

Ang suspek na nagtamo ng mga tama ng bala sa katawan ay nakilalang si Angelo Fernandez, nasa hustong gulang at residente ng naturang barangay.

Nabatid na nagsagawa ng buy-bust operation ang mga awtoridad sa nasabing barangay at nang akmang dadakpin si Fernandez ay biglang pinagbabaril ng suspek ang mga operatiba.

Dahil dito, mabilis na gumanti ng putok ang mga operatiba kaya napatay ang suspek.

Nakarekober ang mga awtoridad ng baril, mga bala at 6 sachets ng shabu sa pinangyarihan ng insidente.