Tulak, tiklo sa drug-bust

@Balitang Probinsiya | July 24, 2023

ILOILO — Isang drug surrenderee ang nadakip sa drug-bust operation ng mga tauhan ng pulisya kamakalawa sa Bgy. P. Ledesma Ward, Pototan sa lalawigang ito.

Kinilala ang suspek na si Robert Decara, 38-anyos, at nakatira sa nasabing barangay.

Nabatid na noong kainitan ng Oplan Tokhang ay tumigil sa pagbebenta ng droga si Decara at sumuko sa pulisya, pero nagbalik sa pagiging drug pusher.

Dahil dito, nagsagawa ng drug-bust operation ang pulisya sa nasabing lugar at nang pagbentahan sila ng shabu ni Decara ay agad dinakip ng mga awtoridad ang suspek.

Napag-alaman na nakakumpiska ang mga tauhan ng pulisya ng ilang gramo ng shabu at markadong pera sa pag-iingat ng suspek.