Tulak pumalag, tepok sa shootout

@Balitang Probinsiya | May 6, 2023

CAMARINES NORTE—Isang drug pusher ang napatay nang manlaban at makipagbarilan sa mga tauhan ng pulisya, kamakalawa sa Bgy. Calasgasan, Daet sa lalawigang ito.

Ang suspek na nagtamo ng mga tama ng bala sa katawan ay nakilalang si Rey Gutierrez, nasa hustong gulang at residente ng naturang bayan.

Nabatid na may nakuhang impormasyon ang pulisya na nagbebenta ng shabu si Gutierrez kaya nagsagawa ng buy-bust operation ang mga awtoridad at nang akmang dadakpin ay biglang pinagbabaril ng suspek ang mga operatiba.

Dahil dito, agad gumanti ng putok ang mga operatiba kaya napatay ang suspek.

Nakarekober ang mga awtoridad ng baril, mga bala at mga sachet ng shabu sa pinangyarihan ng insidente.