Tulak ng marijuana, nasakote sa buy-bust

@Balitang Probinsiya | January 10, 2021

Camarines Sur—Isang drug pusher ng marijuana ang naaresto sa isinagawang buy-bust operation ng pulisya kamakalawa sa Villa Grande Homes, Naga City.

Kinilala ng pulisya ang suspek na si Brian de Luna, nakatira sa nabanggit na lungsod.

Ayon sa ulat, nagpanggap na buyer ng marijuana ang mga operatiba at nang pagbentahan sila ng illegal drugs ni De Luna ay agad inaresto ng pulisya ang suspek.

Nabatid na nakakumpiska ang mga awtoridad ng isang kilo ng marijuana at markadong pera sa pag-iingat ng suspek.

Nakapiit na si De Luna na nahaharap sa kasong paglabag sa Dangerous Drugs Act of 2002.