Tulak ng marijuana nasakote

@Balitang Probinsiya | March 8, 2023

QUEZON--Isang binata na drug pusher ng marjuana ang naaresto sa isinagawang drug-bust operation ng mga awtoridad kamakalawa sa Bgy. Lumingon, Tiaong sa lalawigang ito.

Ang suspek ay kinilala na si Charles Limbo, 22, at residente sa nasabing lalawigan.

Napag-alaman na may nagbigay impormasyon sa mga awtoridad na nagbebenta ng marijuana si Limbo kaya agad nagsagawa ng buy-bust operation ang mga operatiba na naging dahilan kaya nadakip ang suspek.

Ayon sa ulat, nakakumpiska ang mga awtoridad ng 519 gramo ng marijuana at marked money sa pag-iingat ng suspek.

Hindi naman nanlaban ang suspek nang dakpin sila ng mga operatiba at sa ngayon ay nahaharap siya sa kasong paglabag sa Comprehensive Dangerous Drugs Act of 2002.