Tulak ng marijuana, arestado

@Balitang Probinsiya | April 5, 2023

SORSOGON—Isang binata na drug pusher ng marjuana ang nadakip sa isinagawang drug-bust operation ng mga awtoridad kamakalawa sa bayan ng Gubat sa lalawigang ito.

Hindi na muna pinangalanan ang suspek habang iniimbestigahan pa ito sa himpilan ng pulisya.

Napag-alaman na may nagbigay impormasyon sa mga awtoridad na nagbebenta

ng marijuana ang suspek kaya agad nagsagawa ng buy-bust operation ang mga operatiba na naging dahilan kaya nadakip ang drug pusher sa naturang lugar.

Ayon sa ulat, nakakumpiska ang mga awtoridad ng walong gramo ng marijuana at marked money sa pag-iingat ng suspek.

Hindi naman nanlaban ang suspek nang dakpin siya ng mga operatiba at sa ngayon ay nahaharap siya sa kasong paglabag sa Comprehensive Dangerous Drugs Act of 2002.