Tulak na bumaril sa parak, wanted!

@Balitang Probinsiya | November 29, 2020

ORIENTAL MINDORO—Isang notoryus na drug pusher ang pinaghahanap ngayon ng mga awtoridad dahil sa pamamaril sa police intelligence officer kamakalawa sa bayan ng Roxas.

Ang suspek ay si Jonas Galicia, residente ng Mansalay sa naturang lalawigan, samantalang hindi na pinangalanan ang biktimang pulis na nagtamo ng tama ng bala sa ulo.

Ayon sa ulat, nagsagawa ng buy-bust operation at nang mahalata ni Galicia na pulis ang nagpanggap na buyer ay agad niya itong binaril sa ulo.

Nang duguang bumagsak ang biktima, mabilis na tumakas ang suspek.

Kaagad namang dinala ng mga kasamahan niyang pulis ang biktima sa pagamutan at sa kasalukuyan ay ginagamot na ito sa ospital.