Tserman niratrat, utas

@Balitang Probinsiya | Enero 26, 2023

CAGAYAN — Isang barangay chairman ang namatay sa pang-a-ambush na ginawa ng mga hindi kilalang salarin kamakalawa sa Bgy. Sto. Domingo, Piat sa lalawigang ito.

Kinilala ang biktima na si Chairman Richard Baraquit, na nagtamo ng mga tama ng bala sa katawan.

Ayon sa ulat, habang minamaneho ni Baraquit ang kanyang SUV kasama ang kanyang misis nang bigla itong pagbabarilin. Hindi naman tinamaan ang asawa ng biktima.

Matapos tiyaking patay na ang biktima saka nagsitakas ang mga salarin.

Nagpalabas na ng manhunt operation ang pulisya para madakip ang mga suspek.