Trike driver patay sa bus

@Balitang Probinsiya | Pebrero 1, 2023

CAMARINES SUR – Isang driver ang namatay nang aksidenteng mabangga ng isang pampasaherong bus ang pinapasada niyang tricycle kamakalawa sa Bgy. San Francisco, Baao sa lalawigang ito.

Kinilala ng pulisya ang biktima na si Mark Samonte, nasa hustong gulang at residente ng nasabing bayan.

Ayon sa ulat, mabilis umano ang takbo ng bus na minamaneho ni Darwin Pontejon, nasa hustong gulang kaya nabangga nito ang kasalubong na tricycle na minamaneho ni Samonte.

Nabatid na dahil sa lakas ng pagkakabangga ng trak ay nagkaroon ng malaking pinsala sa ulo at katawan ang biktima na agad namatay sa pinangyarihan ng insidente.

Kusang sumuko naman sa pulisya si Pontejon na nahaharap sa kasong reckless imprudence resulting to homicide and damage to property.