Tricycle driver, tepok sa trak

@Balitang Probinsiya | December 18, 2022

QUEZON—Patay isang driver nang aksidenteng mabangga ng trak ang pinapasada niyang tricycle kamakalawa sa Bgy. Pinagbayanan, Pagbilao.

Kinilala ng pulisya ang biktima na si Roel Bonson, nasa hustong gulang at residente ng nasabing bayan.

Ayon sa ulat, mabilis umano ang takbo ng trak na minamaneho ni Luel Marcellana, nasa hustong gulang kaya nabangga nito ang kasalubong na tricycle na minamaneho ni Bonson.

Nabatid na dahil sa lakas ng pagkakabangga ng trak ay nagkaroon ng malaking pinsala sa ulo at katawan ang biktima na agad namatay sa pinangyarihan ng aksidente.

Kusa namang sumuko sa pulisya si Marcella na nahaharap sa kasong reckless imprudence resulting to homicide and damage to property.