Tricycle driver, tepok sa riding-in-tandem
- BULGAR
- Oct 31, 2021
- 1 min read
@Balitang Probinsiya | Oct 31, 2021
NUEVA ECIJA--Isang tricycle driver ang namatay nang pagbabarilin ng riding-in-tandem kamakalawa sa Bgy. Nagmisahan, Cuyapo.
Ang biktima ay kinilala ng pulisya na si Eddie Hilario, 58-anyos, nakatira sa nabanggit na barangay.
Nabatid na namamasada umano si Hilarrio nang sumulpot ang dalawang hindi kilalang lalaki na nakasakay sa motorsiklo at agad pinagbabaril ang biktima.
Dinala pa ng mga saksi ang biktima sa ospital, pero idineklara itong dead-on-arrival dahil sa tinamong mga tama ng bala sa katawan.
Iniimbestigahan na ng pulisya ang motibo ng mga suspek sa pamamaslang sa biktima.
Comments