Tricycle driver, nilikida ng riding-in-tandem

@Balitang Probinsiya | November 11, 2020

NORTH COTABATO—Isang tricycle driver ang namatay nang pagbabarilin ng riding-in-tandem kamakalawa sa Bgy. Poblacion, Pikit.

Kinilala ng pulisya ang biktimang nagtamo ng mga tama ng bala sa katawan na si Homidi Omar, residente ng Brgy. Lagunde sa nasabing bayan.

Ayon sa ulat, habang namamasada si Omar ay biglang sumulpot ang dalawang hindi kilalang suspek na nakasakay sa motorsiklo at agad pinagbabaril ang biktima.

Matapos ang pamamaril at tumakas ang mga suspek ay agad dinala ng mga saksi ang biktima sa ospital, pero idineklara itong dead-on-arrival.

Iniimbestigahan na ng mga awtoridad ang motibo ng mga suspek sa pagpatay sa biktima.