Tricycle driver, natagpuang patay

@Balitang Probinsiya | November 30, 2021

AKLAN—Isang tricycle driver ang natagpuang patay kamakalawa sa waiting shed ng Bgy. Camanci Norte, Numancia.

Ang biktima ay kinilala ng pulisya na si Wilfredo Tamayo, 39-anyos, residente ng Bgy. Mangan, Banga sa nasabing lalawigan.

Nabatid na ilang residente sa nasabing lugar ang nakatagpo sa bangkay ng biktima na may mga saksak sa katawan sa waiting shed.

Huli umanong nakitang buhay si Tamayo na may inihatid na pasahero sa naturang barangay.

Napag-alamang nawawala rin ang tricycle na pinapasada ng biktima na hinihinalang tinangay ng salarin.