Tricycle driver, dinedbol

@Balitang Probinsiya | May 20, 2023

RIZAL—Isang tricycle driver ang namatay nang barilin ng isang hindi kilalang salarin, kamakalawa sa Bgy. Dolores, Taytay sa lalawigang ito.

Ang biktimang nagtamo ng mga tama ng bala sa katawan ay nakilalang si Percival Leonardo, nasa hustong gulang at nakatira sa naturang bayan.

Ayon sa ulat, habang minamaneho ni Leonardo ang kanyang tricycle ay sumulpot ang suspek at agad pinagbabaril ang biktima.

Mabilis na tumakas ang mga suspek nang matiyak na patay na ang biktima.

Iniimbestigahan pa ng pulisya ang motibo ng suspek sa pamamaslang kay Leonardo.