Tirador ng convenience store, wanted

@Balitang Probinsiya | Pebrero 12, 2023

AKLAN – Isang shoplifter ang pinaghahanap ng pulisya dahil sa pagnanakaw ng mga paninda sa isang convenience store sa Bgy. Pook, Kalibo sa lalawigang ito.

Hindi na muna pinangalanan ng mga awtoridad ang convenience store na pinagnanakawan ng suspek.

Ayon sa ulat, nagpanggap na kostumer ang suspek at matapos kunin ang mga panindang delata ay mabilis itong lumabas ng store.

Nabatid na hinabol pa ng kahera at mga crew ng convenience store ang suspek, pero nakatakas ito.

Sa ngayon ay naglunsad na ng manhunt operation ang mga awtoridad para madakip ang suspek.