Tindera, todas sa motorsiklo
BULGAR
May 9, 2021
1 min read
@Balitang Probinsiya | May 09, 2021
PANGASINAN—Isang tindera ang namatay nang mabangga ng motorsiklo kamakalawa sa Bgy. Domanpot, Asingan.
Kinilala ng pulisya ang biktima na si Rochelle Gomina, residente ng nabanggit na bayan.
Ayon sa ulat, habang naglalako umano ng kanyang panindang mga karne ng baboy si Gomina ay aksidente itong nabangga ng motorsiklong minamaneho ni Jimroy Cruz, nakatira din sa naturang bayan.
Nabatid na dinala ng mga saksi ang biktima sa pagamutan, pero idineklara itong dead-on-arrival.
Nakapiit na si Cruz na nahaharap sa kasong reckless imprudence resulting to homicide.
Comments