Three-storey building, nasunog

@Balitang Probinsiya | Oct 19, 2021

NEGROS OCCIDENTAL—Isang three-storey building ang tinupok ng apoy kamakalawa sa Bacolod City.

Ang nasunog na gusali ay sa Tindalo St., Bgy. Villamonte sa nabanggit na lungsod.

Ayon sa ulat, nakita ng mga residente sa naturang lugar na biglang sumiklab ang sunog sa kuwarto ng gusali at mabilis na kumalat ang apoy kaya nasunog ang buong three storey building.

Kaagad rumesponde ang mga bumbero at makalipas ang ilang oras ay naapula rin ang apoy sa nasunog na gusali.

Sa isinagawang imbestigasyon ng mga awtoridad ay posible umanong faulty wiring ang sanhi ng sunog, samantalang wala namang naiulat na nadisgrasya sa naganap na insidente.