Teroristang Abu Sayyaf, nasakote
Nov 22, 2020
1 min read
@Balitang Probinsiya | November 22, 2020
BASILAN—Isang miyembro ng Abu Sayyaf Group (ASG) ang naaresto ng pulisya kamakalawa sa Bgy. Aguada, Isabela City.
Kinilala ang suspek na si Ranger Siason, miyembro ng ASG na nakabase sa nasabing lalawigan.
Nabatid na sinalakay ng mga awtoridad sa bisa ng search warrant ang bahay ni Siason at dito nakumpiska ang dalawang granada at iba’t ibang uri ng bala.
Hindi naman nanlaban ang suspek nang dakpin siya ng pulisya sa loob ng kanyang bahay.
Inihahanda na ng mga awtoridad ang iba’t ibang uri ng kasong isasampa sa naturang terorista.
Comments