Team leader, 6 medics ng NPA, sumuko

@Balitang Probinsiya | November 13, 2020

MAGUINDANAO—Isang team leader at anim na medics ng New People’s Army

(NPA) ang sumuko sa pamahalaan kamakalawa sa bayan ng Datu Odin Sinsuat.

Para sa kanilang seguridad ay hindi na pinangalanan ang mga sumukong terorista na pawang nag-o-operate sa Mindanao.

Napag-alamang isinuko rin ng mga terorista ang mga dala nilang mga armas at bala sa

headquarters ng 6th Infantry Division ng Philippine Army (PA) na nakabase sa nasabing

lalawigan.

Ayon sa mga sumukong terorista, nagpasya silang magbalik-loob sa pamahalaan dahil gusto na nilang magbagong-buhay.

Isinasailalim na sa taktikal na interogasyon ang mga sumukong terorista para matiyak na bukal sa kanilang kalooban ang pagbabalik-loob sa gobyerno.