Tanod, patay sa baha

@Balitang Probinsiya | Enero 29, 2023

CAMARINES SUR — Isang babaeng barangay tanod ang namatay nang malunod sa tubig-baha kamakalawa sa Bgy. Scout Fuentabella, Goa sa lalawigango ito.

Ang biktima ay kinilala na si Gina Barde, 51-anyos, at residente sa nabanggit na barangay.

Ayon sa ulat, habang kasagsagan ng buhos ng ulan ay lumabas ng kanilang bahay si Barde para magtungo sa barangay hall upang mag-duty bilang barangay tanod, pero tinangay ito ng rumaragasang tubig-baha.

Nabatid na nagtangka ang mga residente na saklolohan si Barde, pero lumubog ito sa lampas-taong tubig-baha.

Natagpuan ang bangkay ni Barde nang humupa na ang tubig-baha.