Tanod, dinedbol ng riding-in-tandem

@Balitang Probinsiya | August 4, 2022

NORTH COTABATO—Isang barangay tanod ang namatay nang barilin ng riding-in-tandem kamakalawa sa Bgy. Poblacion, Pikit.

Ang biktimang nagtamo ng mga tama ng bala sa katawan ay nakilalang si Satar Gansali, 44-anyos at residente ng Pamalian ng naturang bayan.

Ayon sa ulat, habang lulan ang biktima ng kanyang motorsiklo nang dikitan ito ng dalawang hindi kilalang suspek na nakasakay din sa motorsiklo at agad pinagbabaril ant barangay tanod.

Matapos tiyaking patay na ang biktima ay mabilis na tumakas ang mga salarin.

Patuloy pa ang imbestigasyon ng pulisya sa motibo ng mga suspek sa pamamaslang sa biktima.