Tambay, todas sa riding-in-tandem

@Balitang Probinsiya | Pebrero 10, 2023

COTABATO CITY – Isang tambay ang namatay nang barilin ng riding-in-tandem kamakalawa sa Bgy. Poblacion 2 sa lungsod na ito.

Ang biktimang nagtamo ng mga tama ng bala sa katawan ay nakilalang si Arven Ponce, 36, at nakatira sa naturang barangay.

Ayon sa ulat, habang nakaistambay si Ponce sa harap ng isang tindahan ay biglang sumulpot ang dalawang hindi kilalang suspek na nakasakay sa isang motorsiklo at agad pinagbabaril ang biktima.

Mabilis na tumakas ang mga suspek nang matiyak na patay na ang biktima.

Iniimbestigahan pa ng pulisya ang motibo ng mga suspek sa pamamaslang kay Ponce.