Southern man, patok sa Liyamadista

ni Green Lantern - @Renda at Latigo | March 30, 2022

Siyam na karera ang masisilayan ng mga karerista ngayong araw sa San Lazaro Leisure Park sa Carmona, Cavite.

Inaasahang bakbakan agad ang mapapanood sa unang karera at tiyak na suportado ng mga liyamadista si Southern Man sa magaganap na 3-Year-Old & Above Maiden Race.

Sasakyan ni class A rider OP Cortez, paniguradong liyamado sa laban si Southern Man sa distansiyang 1,400 meter race, hahamigin ng mananalong kabayo ang added prize na P20,000.

Komento ng mga karerista sa social media, posibleng sumilat kay Southern Man sina Blue Thunder, Boss Mario at Platinum Bell na rerendahan ni dating Philippine Sportswriters Association, Jockey of the Year awardee Jonathan Hernandez. "Tingin ko magaling na kabayo si Southern Man, kaya single bet na lang ako sa tatayaan kong winner take all," saad ni Darwin Laymo, veteran karerista.

Bukod sa mga nabanggit na kabayo, ang ibang kalahok ay sina Parag-Uma, Salugnon, Es Oh Pee, Spaghetting Pababa, Tenacity, Duchess Melania, Double Shot at Ariana, magtatagisan sila ng bilis sa unang karera. Paniguradong aabangan din ng mga karerista ang mga carry over sa Quartet, Pentafecta at Super 6 na paglalabanan lahat sa Race 1.

May carry over na P23,982.29 sa quartet, P6,891.86 sa pentafecta habang sa super 6 ay P9,332.00, ang nasabing event ay suportado ng Philippine Racing Commission, (PHILRACOM).

Samantala, magandang laban din ang masisilayan ng mga karerista sa Condition Race (18) kung saan may anim na kabayo ang kalahok sa distansiyang 1,500 meter race.

Tatanggap ng karagdagang premyo na P20,000 ang winning connection, ang magtatagisan ng bilis ay sina Shanghai Noon, Critical Moments, Eugene Onegin, Electric Truth, Arrogante at Anino.

Mga Pili ni Green Lantern:

Race 1. Southern Man (3), Platinum Bell (1), Ariana (13)

Race 2. Bahandi/Seychelles (1/1A), Lucky Hilda (10), Kathy N Alice (8)

Race 3. Lucky Julliane (3), Spunk Attack (5), Statistics (8)

Race 4. Lucky Saver (7), Miss Aruba/Love N' Kisses (2/2A), Jambo (10)

Race 5. Hook N Dancer (7), Great Year (11), Thunder Maxx (4)

Race 6. Janni Banni (5), Space Jam (14), Antonio Delamugis (9), Run And Gun (2)

Race 7. Haymaker (10), Money For Shelltex (9), Rancheros (14)

Race 8. Shanghai Noon (1), Arrogante (5)

race 9. Smart Julliane (5), Can You Giub (14), Hantik (7)