Shoplifter timbog sa convenience store
BULGAR
Oct 24, 2022
1 min read
@Balitang Probinsiya | October 24, 2022
BATANGAS—Isang shoplifter ang inaresto ng pulisya kamakalawa sa loob ng convenience store sa Bgy. Poblacion, San Pascual.
Kinilala ng pulisya ang suspek na si Randy Cabalonga, nasa hustong gulang at nakatira sa nabanggit na lalawigan.
Ayon sa ulat, ninakaw ng suspek ang ilang paninda sa hindi pinangalanang convenience store sa nabanggit na bayan.
Nang makita ng mga kawani ng convenience store ang pagnanakaw ng suspek ay agad itong ini-report sa pulisya kaya nadakip ang shoplifter.
Hindi naman nanlaban ang suspek nang dakpin siya ng mga awtoridad at sa ngayon ay nahaharap siya sa kasong qualified theft.
Comments