News @Balitang Probinsiya | April 30, 2024
Cebu City — Isang shoplifter ang inaresto ng pulisya kamakalawa sa loob ng isang mall sa Brgy. Tejero, Sugbo District sa lungsod na ito.
Ang suspek ay nakilalang si Jayson Lim, 26, residente ng Brgy, San Nicolas Proper sa nasabing lungsod.
Ayon sa ulat, ninakaw ng suspek ang ilang panindang t-shirts sa hindi pinangalanang mall sa nabanggit na lungsod.
Nang makita ng mga kawani ng mall ang pagnanakaw ng suspek ay agad itong ini-report sa pulisya kaya nadakip ang shoplifter.
Sumama naman ang suspek nang dakpin siya ng mga otoridad at sa ngayon ay nahaharap sa kasong qualified theft.
Commentaires