Senglot tepok sa bangga ng kotse

@Balitang Probinsiya | May 14, 2023

NEGROS OCCIDENTAL—Isang lasing na lalaki ang namatay nang mabangga ng kotse, kamakalawa sa Bgy. Awaan, Ayungon sa lalawigang ito.

Kinilala ang biktima na si Haed Jumuan, nasa hustong gulang at residente ng nasabing bayan.

Ayon sa ulat, mabilis umano ang takbo ng kotse na minamaneho ni Rexel Yosores, nasa hustong gulang kaya nabangga nito ang biktimang tumatawid sa kalsada.

Nabatid na dahil sa lakas ng pagkakabangga ng kotse ay nagkaroon ng malaking pinsala sa ulo at katawan ang biktima na agad namatay sa pinangyarihan ng insidente.

Sumuko naman sa pulisya si Yosores na nahaharap sa kasong reckless imprudence resulting to homicide.