Senglot na nag-amok arestado

@Balitang Probinsiya | May 31, 2023

ALBAY—Isang lasing na nag-amok ang dinakip ng mga tauhan ng pulisya kamakalawa sa Bgy. Pigcale, Legazpi City sa lalawigang ito.

Ang suspek ay kinilala na si Jomar Pasaca, 33-anyos, at residente ng nabanggit na barangay.

Ayon sa ulat, habang lasing na naglalakad si Pasaca ay bigla itong nagwala at naglabas ng patalim at naghahamon ng away.

Kaagad humingi ng tulong sa pulisya ang mga residente kaya agad rumesponde ang mga awtoridad at inaresto ang suspek.

Nakapiit na ngayon ang suspek na nahaharap sa kasong alarm and scandal at illegal possession of deadly weapon.