Senglot kinatay ng katoma

@Balitang Probinsiya | March 2, 2023

QUEZON—Isang lasing ang sinaksak at napatay ng kanyang nakaalitang kainuman kamakalawa sa Brgy. Taluong, Polilio sa lalawigang ito.

Ang biktimang nagtamo ng mga tama ng saksak sa katawan ay nakilalang si Marlon Garcia, 43, samantalang ang suspek ay si Eric Catasan, nasa hustong gulang, at kapwa nakatira sa nabanggit na barangay.

Ayon sa pulisya, habang nag-iinuman ay nagkaroon ng pagtatalo sina Garcia at Catasan na humantong para pagsasaksakin ng salarin ang biktima.

Agad dinala ng mga saksi ang biktima sa pagamutan, pero idineklara itong dead-on-arrival.

Nagpalabas na ng manhunt operation ang pulisya para madakip ang suspek.