Sekyung holdaper arestado
BULGAR
Nov 17, 2022
1 min read
@Balitang Probinsiya | November 17, 2022
LAGUNA—Isang security guard na nangholdap sa convenience store ang nadakip ng pulisya kamakalawa sa Cabuyao City.
Hindi na muna pinangalanan ng pulisya ang suspek habang iniimbestigahan ito ng mga awtoridad.
Ayon sa ulat, pinasok ng holdaper ang isang convenience store at saka hinoldap ang kahera gamit ang dala niyang patalim.
Nang malimas ang pera sa kaha ay mabilis na tumakas ang suspek, pero agad nakahingi ng tulong sa pulisya ang kahera, kaya nadakip ang holdaper.
Inihahanda na ng mga awtoridad ang kasong robbery laban sa suspek.
Comments