Sekyu, todas sa sariling baril

@Balitang Probinsiya | July 12, 2023

SORSOGON -- Isang guwardiya ang namatay nang aksidenteng tamaan ng bala mula sa nahulog niyang baril na aksidenteng pumutok kamakalawa sa Bgy. Laboy, Matnog sa lalawigang ito.

Ang biktimang nagtamo ng isang tama ng bala sa dibdib ay kinilalang si Rodel Armingol, nasa hustong gulang at nakatira sa nasabing barangay.

Ayon sa imbestigasyon, habang naglalakad ang biktima ay biglang nahulog ang dala nitong baril, pumutok habang ang bala ay tumama sa kanyang dibdib.

Dinala ng kanyang kaibigan ang biktima sa pagamutan, pero idineklara itong dead-on-arrival.

Gayunman, patuloy ang imbestigasyon ng mga awtoridad sa naganap na insidente.