Sekyu, natagpuang patay sa guard house

@Balitang Probinsiya | February 3, 2021

QUEZON—Isang security guard ang natagpuang patay kamakalawa sa guard house ng resort na binabantayan nito sa Cotta, Lucena City.

Kinilala ng pulisya ang biktima na si Christian Quizon, guwardiya ng ABS Resort sa nabanggit na barangay.

Nabatid na ilang residente ang nakatagpo sa bangkay ng biktima na may tama ng bala ng baril sa katawan sa loob ng guard house ng resort.

Ayon sa ulat, nawawala ang pera, baril at motorsiklo ng biktima na hinihinalang tinangay ng mga salarin.

Patuloy pa ang imbestigasyon ng pulisya para makilala at madakip ang mga suspek.