Sekyu, dinedbol ng rider

@Balitang Probinsiya | Oct 23, 2021

BATANGAS—Isang security guard ang namatay ng barilin ng hindi kilalang rider salarin kamakalawa sa subdivision sa Lipa City.

Kinilala ng pulisya ang biktima na si Arnold dela Cruz, nasa hustong gulang at guwardiya ng naturang subdivision.

Nabatid na habang nasa labas ng gate ng subdivision si Dela Cruz ay dumating ang suspek na nakasakay sa motorsiklo at kinausap ang biktima.

Habang nag-uusap ay pumasok sa gate ng subdivision si Dela Cruz at dito na siya pinagbabaril ng suspek.

Matapos ang pamamaril ay tumakas ang suspek at sa kasalukuyan ay inaalam na ng mga awtoridad ang motibo sa krimen.