@Balitang Probinsiya | December 19, 2023
CAPIZ -- Isang security guard na drug pusher ang naaresto sa buy-bust operation ng pulisya kamakalawa sa Brgy. San Roque, Dumalag sa lalawigang ito.
Kinilala ng pulisya ang suspek na si Jihn Floyd Salso, nasa hustong gulang at nakatira sa nabanggit na bayan.
Ayon sa ulat, may tinanggap na impormasyon ang mga otoridad na nagbebenta ng umano’y shabu si Salso kaya agad nagsagawa ng buy-bust operation ang mga operatiba sa naturang barangay na naging dahilan upang madakip ang suspek.
Nabatid na nakakumpiska ang mga otoridad ng 15 gramo ng hinihinalang shabu at marked money sa pag-iingat ng suspek.
Nahaharap ang suspek sa kasong paglabag sa Comprehensive Dangerous Drugs Act of 2002.
Comments