Salvage victim, natagpuan sa talahiban

@Balitang Probinsiya | April 2, 2023

NEGROS OCCIDENTAL — Natagpuan ang isang bangkay na nakasilid sa sako, sa matalahib na lugar sa Bgy. Damsite, Murcia sa lalawigang ito.

Ayon sa pulisya, inaalam pa umano ng mga ito ang pagkakakilanlan ng biktima.

Nabatid na ilang residente ang nag-report sa pulisya tungkol sa natagpuan nilang bangkay ng biktima sa nabanggit na barangay.

May hinala ang mga awtoridad na sa ibang lugar pinatay ang biktima at itinapon lang sa nasabing barangay ang bangkay nito upang iligaw ang imbestigasyon.