Salvage victim natagpuan sa kalsada

@Balitang Probinsiya | Enero 19, 2023

QUEZON—Isang bangkay ng lalaki na biktima ng salvage ang natagpuan kamakalawa sa gilid ng kalsada sa Bgy. Lakawan, Tayabas City.

Ang biktima ay kinikilala pa ng pulisya dahil walang makitang identification card sa gamit ng salvage victim.

Napag-alamang ilang residente ang nakatagpo sa bangkay ng biktima na may nakabalot na packaging tape ang mukha, katawan, mga kamay at paa.

May hinala ang mga awtoridad na pinatay ang biktima sa ibang lugar at itinapon lang sa naturang barangay ang bangkay nito para iligaw sa imbestigasyon ang pulisya.

Masusi pang nagsasagawa ng imbestigasyon ang pulisya sa naganap na krimen.