Salvage victim, natagpuan

@Balitang Probinsiya | Ika-16 ng Pebrero, 2024

RIZAL -- Isang bangkay ng hindi kilalang lalaki na biktima umano ng salvage ang natagpuan kamakalawa sa matalahib na lugar sa Brgy. Silangan, San Mateo sa lalawigang ito.

Sa ngayon ay inaalam pa ng mga otoridad ang pagkakakilanlan ng biktima. 

Nabatid na ilang residente ang nag-report sa pulisya tungkol sa natagpuan nilang bangkay na may balot na kumot ang katawan at may nakapiring na tape sa mga mata.

Inaalam pa ng mga otoridad ang armas na ginamit sa pagpatay sa biktima. 

Patuloy ang isinagawang imbestigasyon ng pulisya para mabatid ang motibo sa naganap na krimen.