Salvage victim, natagpuan

@Balitang Probinsiya | May 29, 2023

NEGROS OCCIDENTAL—Isang bangkay ng hindi kilalang lalaki na biktima ng salvage ang natagpuan kamakalawa sa gilid ng kalsada sa Bgy. Camindangan, Sipalay City sa lalawigang ito.

Sa ngayon ay inaalam pa ng pulisya ang pagkakakilanlan ng biktima.

Nabatid na ilang residente ang nag-report sa pulisya tungkol sa natagpuan nilang bangkay ng biktima sa nabanggit na barangay.

May hinala ang mga awtoridad na sa naturang lugar pinatay ang biktima dahil nakarinig ng mga putok ng baril ang mga residente sa kinatagpuan ng bangkay ng lalaki.

Patuloy pa ang isinagawang imbestigasyon ng mga awtoridad sa naganap na insidente ng salvage sa nasabing lugar.