Salvage victim natagpuan

@Balitang Probinsiya | December 3, 2022

AKLAN—Isang bangkay ng hindi kilalang lalaki na biktima ng salvage ang natagpuan kamakalawa sa gilid ng kalsada sa Bgy, Albasan, Numancia.

Ang biktima ay tinatayang nasa pagitan ng edad 40 hanggang 45 ang edad at may sling bag na itim sa baywang.

Nabatid na ilang residente ang nag-report sa pulisya tungkol sa natagpuan nilang bangkay ng biktima na nakabalot sa pink na tela sa nabanggit na lugar.

May hinala ang mga awtoridad na sa ibang lugar pinatay ang biktima at itinapon lang sa nasabing barangay ang bangkay nito upang iligaw sa imbestigasyon ang pulisya.

Patuloy pa ang isinagawang imbestigasyon ng mga awtoridad para mabatid ang armas na ginamit sa pagpatay at ang motibo sa naganap na krimen.