Sa anomalya at katiwalian sa PhilHealth… Isasantabi muna ang mga personal na hidwaan — Bong Go

ni Ronalyn Seminiano Reonico | July 25, 2020

Matapos mabulgar ang diumano’y anomalya at katiwalian sa Philippine Health Insurance Corporation (PhilHealth) na dahilan ng pagbibitiw sa puwesto ng ilang opisyal, nagkaroon ng pagpupulong ang mga opisyal hinggil dito na pinamunuan ni Senator Bong Go.

Ayon kay Sen. Bong Go, “Natapos ang meeting with an agreement na sa panahon ngayon ay isasantabi muna ang mga personal na hidwaan upang mabigyang importansiya ang kapakanan, interes at buhay ng mga Pilipino.

“Uunahin muna ngayon kung paano masigurong maiimplementa ang Universal Healthcare (UHC) Law, mapopondohan ang mga programang pangkalusugan, at mapagseserbisyuhan ang mga nangangailangan sa panahon ng pandemya.”

Aniya pa, “Kaya kami nakipagpulong kasama ang mga government finance managers upang matugunan ang mga hinaharap na suliranin ng PhilHealth para maimplementa ng maayos ang UHC law lalo na’t may krisis tayong hinaharap.

“Isa rin sa napag-usapan sa meeting ay ang mga problema sa PhilHealth management at ang mga akusasyon ng korapsyon na nangyayari […] Naging mainit ang usapan, nagkahamunan pa ng resignation, pero civil at productive pa rin naman ang diskusyon.”