Rider, todas sa bangga ng kotse

@Balitang Probinsiya | December 06, 2021

NEGROS OCCIDENTAL--Isang rider ang namatay nang aksidenteng mabangga ng kotse ang minamaneho nitong motorsiklo kamakalawa sa national highway ng Don Salvador Benedicto.

Kinilala ang biktima na si Andy Caranay, nasa hustong gulang at residente sa nasabing bayan.

Ayon sa ulat, mabilis umano ang takbo ng kotseng minamaneho ng hindi pinangalanang driver kaya nabangga ang motorsiklo ng biktima.

Dahil sa lakas ng pagkakabangga ay tumilapon ang biktima at una ulo itong bumagsak sa sementadong kalsada na agad nitong ikinamatay.

Kusang sumuko naman sa mga awtoridad ang driver ng kotse na residente rin sa naturang bayan.