Rider todas, angkas sugatan sa poste

@Balitang Probinsiya | August 17, 2023

NEGROS OCCIDENTAL -- Isang rider ang namatay at sugatan naman ang kaibigan nito nang bumangga ang kinalululanan nilang motorsiklo kamakalawa sa poste ng kuryente sa Bgy. Pahanocoy, Bacolod City sa lalawigang ito.

Ang nasawing biktima ay kinilala ng pulisya na si Michael Lobaton, 31, samantalang ang sugatan ay si Jorell Olanday, 30, kapwa nakatira sa Bgy. Sum-ag sa nasabing lungsod.

Ayon sa ulat, nawalan umano ng kontrol sa pagmamaneho si Lobaton habang kaangkas si Olanday kaya bumangga ang motorsiklong kinalululanan nila sa poste.

Nabatid na sa lakas ng impact ay nagtamo ng malaking pinsala sa ulo at katawan ang mga biktima.

Dinala ng mga saksi ang mga biktima sa ospital, pero idineklarang dead-on-arrival si Lobaton.